Chapter 24.2
“Ang bilis niyo naman, ‘Nay?” bungad nila Kitty na bagong dating.
“Mabilis lang naman dahil matataas naman daw ang mga grades ni Norie kaya hindi na kami nahirapan,” sagot ni Nanay sa kanila.
Naupo naman sila sa harap na upuan, hawak nila ang iilang papel na natira sa dala nila kanina. Mukhang lahat naman kasi yata ay dinala na nila.
“Ano bang average mo?” tanong ni Miley.
Nagkamot ako ng noo ko bago ako napangisi.
“’Wag na. Nakakahiya,” sabi ko bago nag-iwas ng tingin.
Ayaw ko na magbago ang tingin nila sa ’kin, hangga’t maaari. Mas gusto ko ay lilow lang na image.
“Ano nga?” tanong naman ni Kitty na nakataas ang kilay.
“93.6,” maiksi kong sabi.
Kita ko naman ang panlalaki ng mga mata nila. Nagkibit-balikat na lang ako. Mukha akong mayabang kapag pinagmamalaki k
