Ria
SABI nga nila, habang mas nag-eenjoy ka, mas bumibilis ang takbo ng oras. Gaya ngayon, mabilis na lumipas ang maghapon hanggang sa dumating na ang pinaka ayaw kong mangyari, ang magpaalam sa bakasyon.
Talagang sinulit ko na ang natitirang oras na makakapag-enjoy ako sa dagat hanggang sa mangitim na ang balat ko. Wala namang kaso kung umitim ako, ang mahalaga maganda pa rin ako.
Kaninang umaga pa naunang umuwi sa amin si Rianne dahil alam niyo na, busy. Kaya kaming apat nalang nila Rina ang magkakasama sa kotse ni Mikael. Ito din ang sakay namin noong papunta, nakakahiya naman kasi kung makikisiksik pa kami sa van ng mga kamag-anak ni Rina.
At dahil nabugbog ang katawan ko buong araw sa pagsisid na akala mo ubod ng husay, madali akong hinatak ng antok sa biyahe. Nagising
