Ria
TAPOS na ang klase.
Kasalukuyan na akong nasa loob ng sasakyan ngayon at nakatanaw sa labas ng bintana. Siguradong nakaalis na ngayon sa bahay namin ang lalaking ‘yun kaya pwede na akong umuwi. Makalipas ang halos kalahating oras ay nakarating rin kami sa bahay. Agad akong lumabas at akmang maglalakad papasok ng bahay nang may mapansin ako.
Napakunot ako ng noo nang mapansin ang isang hindi pamilyar na kotse na naka-park sa garage namin.
Hindi ko alam kung bakit pero bigla akong kinabahan. "Kaninong sasakyan ‘yan?" tanong ko sa driver na hindi inaalis ang paningin sa kotse.
"Sa Daddy niyo ho." Nanlaki ang mga mata ko at napaharap sa kanya.
"What?! Niloloko mo ba ‘ko?"
"H-hindi ho," he stuttered. "Hinihintay nga ho niya ang pagdating niyo para makaalis na rin
