CHERRY'S POINT OF VIEW
Kasalukuyan akong nakatayo ngayon sa harapan ng building kung saan ako nagbabalak mag-apply. Habang pinagmamasdan ang napakatayog na gusali ay hindi ko mapigilang mamangha, nakakalula ang taas nito na halos hindi na maabot ng paningin ko ang pinakatuktok nito.
Napalunok ako at pagkatapos ay nagbaba ng tingin sa entrance, napangiti ako bigla dahil ngumiti ang security guard sa akin. Hindi ko tuloy mapigilang makaramdam ng pagkailang..
Nagsimula na akong humakbang papasok sa loob, bitbit ang brown envelope, kung saan nakapaloob ang iilang requirements ko, dahil naipasa ko naman na ang aking resume kahapon.
Dumiretsyo na kasi ako rito pagkatapos kong dumaan sa clubhouse, mabuti na nga lang din at pumayag ang boss ko sa pag-resign ko at mukang hindi naman masama an
