“Baka naman pwedeng umangkas sa iyo, magandang binibini?”
Tila nawala ang tama niya mula sa ininom na alak nang makita ang isang lasing na lalaki na papalapit sa kanya. Bumaba ulit siya mula sa pagkakasakay sa kanyang motorsiklo at hinarap ang hindi kilalang lalaki na may kalakihan rin ang katawan.
“Sir, pasensya na ho at hindi ho ako nag-aangkas ng hindi ko kilala,” saad niya dito na pakiwari niya ay wala na sa tamang katinuan dahil sa sobrang kalasingan.
“Ganun ba? Eh, di magpapakilala ako sa iyo, problema ba iyon?” may pagewang gewang ang ginagawa nitong paglakad palapit pa sa babae.
“Naku ho, kahit ho ipakilala n’yo pa ang buong angkan n’yo sa akin sir, sorry at hindi ko ho kayo mapagbibigyan na pasakayin sa motor ko," aniya. "Mabuti pa ho ay humanap na lang kayo ng ibang maaan
