"Tatakas ka pa ha!" isang suntok sa tiyan ang ibinigay ng tauhan ni Copper sa isang lalaki habang nasa gilid ang mga ito ng daan sa gitna ng malalaking building sa sentro ng Baguio isang gabi.
Pinasundan niya ang lalaki na iyon sa kasamahang tauhan ng matimbrihan itong naglalaro ulit sa isang casino. Ilang linggo na sila nitong pinagtataguan sa utang nitong kulang kulang isang milyon. Pangalawang beses na nila itong na-corner. Hindi na sana darating pa sa ganitong tagpo kung tumupad lang sana ito sa napag-usapang pagbabayad ng utang sa tamang panahon.
Matapang ang lalaki na iyon. Palibhasa may kalakihan din ang katawan gaya sa tauhan ni Copper kung kaya nagawa nitong manglaban. Naharang nito ang kamao ng tauhan at ito naman ang bumwelo para sa isang malakas na suntok na ibinigay nito s
