Panay ang baba niya sa kanyang suot na fitted na sleeveless blue dress na hanggang tuhod ang haba noong hapong iyon. Ito ang araw na pinakahihintay niya na napagkasunduan nila ni Copper na magdi-dinner sa labas.
Hindi niya na yata maalala ang huling beses na nagsuot siya ng ganoong ka-sexy at kahapit na damit. Magmula kasi noong maging ganap na pulis at ngayon nga'y isang special agent ay puro plain t-shirt lang at pantalon ang palagi niyang isinusuot pwera pa sa kanyang uniporme. May mga pinupuntahan naman siyang mga party pero hindi siya nag-eeffort ng kagaya nito. Naisip niya tuloy na baka isipin ng lalaki na super excited siya sa paglabas nila sa gabing iyon, which is totoo naman. Halos hindi na nga siya nakatulog kagabi.
Matagal na ang damit na iyon na nakatambak sa closet niya.
