Eight years ago...
"PAPA! PAPA! Nandito na si Kuya Liam!"
Napangiti si Liam nang pagbaba pa lang niya ng sasakyan ay dinig na dinig na niya ang boses ni Tere. Nagsisisigaw ito sa sobrang tuwa. Katulad niya ay excited din itong makita siya.
Paanong hindi? Eh, halos limang buwan silang hindi nagkita dahil natagalan si Liam sa Belgium. Ilang buwan din kasi silang nag-training muna bago sumabak sa laban nila sa football. Pagkatapos niyon ay sunod-sunod pa ang TV guestings, commercials, o kung ano-ano pang natanggap nilang benefits para sa panibagong championship na nasungkit nila.
"Kuya! You're here na nga talaga!" Parang bata na patakbo siyang sinalubong ni Tere. At saka walang ano-ano na yumakap sa baywang niya. "O-EM-GIE. I miss you so much, Kuya. Ang tagal mong bumalik. I thought you'
