IBINIBIGAY NG MGA kasama ko ang lahat para sa aming misyon. Kaya nararapat lang na ibuhos ko rin ang lahat para sa aming tagumpay. Kung hindi ko gagawing labanan si Chelsa, pa'no ako magtatagumpay sa labang ito? Hindi lamang ito laban ko at ng mga Ezhartan, laban ito ng aming pagmamahalan. Kukunin ko siya! Akin siya! What is love? Lumalaban ka para rito. Hindi mo ito basta bibitawan kahit pa ang minamahal mo na mismo ang kalaban mo. Hindi mo dapat tinatanggap lang ang sitwasyon. Kailangan mo 'tong banggain para muli siyang mapasaiyo.
Iniangat ko ang aking kaliwang kamay at dumikit ang ibang dahong nagliliwanag na binuo ko muli ng mas matibay na kalasag. Iniangat ko rin ang aking sangtron at dinumog ang dulo nito ng mga dahon na binuo kong malaking bilog na nagmistulang bola ng berdeng liw
