PAGKAWALA NG LIWANAG, nasilayan ang totoong anyo ni Bangis bilang isang atervhi, na isang makapangyarihang nilalang ng Anorwa. May tangkad siyang sampung talampakan at kapansin-pansin ang matipuno niyang katawan dahil sa manipis niyang kulay abong kasuotan na sumasayaw sa hangin. Kulay puti ang balat ni Bangis na may maliliit na butil na kumikislap-kislap at may pakpak siyang malapad na kahalintulad ng kanyang mga pakpak kapag siya'y nag-aanyong arikon ngunit may mas malalapad na balahibo at mas matingkad ang kulay. Nakatali ang kulay brown at mahaba niyang buhok kaya naman mas mapapansin ang guwapo niyang mukha.
"Buong akala ko ay hindi ko na muling masisilayan ang anyo mong iyan aking Tagsangoy," nasisiyahang pahayag ni Sarogway. Tagsanghoy ang tunay na ngalan ni Bangis, ang atervhi ng
