~SA ISLA NG DULOM~
PAGPASOK NI PRINSESA Deza sa palasyo, sumalubong na sa kanya ang saday na kanyang tagapangalagang si Kester, madaldal na binatang saday na itim ang mga pakpak at kasuotan. Binati siya nito ngunit dinaanan niya lamang ang maliit na nilalang.
"Hinanap mo ba ang tinig na tumatawag sa iyo sa ibang pangalan?" tanong ng saday. Tinangnan niya lamang ito na agad naman nitong naintindihan kaya ito tumahimik.
"Magpapahinga na ako," walang ganang sambit niya sa saday nang sinundan pa rin siya nito hanggang makapasok siya sa kanyang silid. Ngunit tama ang saday na si Kester, hinanap niya nga ang tinig na tinatawag siya sa ibang pangalan na naririnig niya sa kanyang utak. At sa kanyang paghahanap, dinala siya ng kanyang mga pakpak sa kagubatan kung saan niya nakita ang isang binat
