~SA PALASYO NG EZHARTA~
"IPATAWAG ANG LAHAT ng lankaw!" utos ni Reyna Kheizhara sa ibang mga kawal. Ang mga lankaw ay ang nagsisilbing pinuno sa bawat bayan ng kaharian. Titipunin niya ang mga ito upang pag-usapan ang paghahanda sa magaganap na digmaan. Upang maihanda ang lahat ng Ezhartan sa buong kaharian.
Nasa bulwagan siya ng palasyo kasama ang iba pang pinunong sundalo at mga konseho ng palasyo. Doon, ipinaalam niya sa lahat ang magaganap na digmaan. Tumayo si Reyna Kheizhara mula sa kanyang trono.
"Sa pagdating ng mga lankaw, pagpaplanuhan natin at paghahandaan ang mangyayaring digmaan!" may awtoridad na pahayag niya at naglaho siya sa harap ng lahat.
~~~
~SA ISLA NG DULOM~
MARIRINIG SA LOOB ng kuweba na nagsisilbing palasyo ng mga habo ang hinagpis na sigaw ni Prinsesa Deza. H
