Nabulabog ang lahat ng biglang magwala ang isang babaeng sa loob ng simabahan. Natakot ang ilan ng makita nilang bukas ang pinto ng simbahan at mukhang galing ito sa labas. Malakas ang ulan ng madaling araw na'yun kaya basang basa ang babae ng pumasok ito sa loob ng simbahan.
Agad na kinatok ni Sonny ang pinto ng kwarto na tinutulugan nila Fia. Agad naman silang bumangong lahat at lumabas sa kwarto na'yun. Paglabas nila ay nagulat sila ng makita ang naglulupasay at basang-basa na babae sa gitna ng simbahan.
"Anong nangyayari?" Tanong agad ni Misty
Lumapit ang isang batang babae at agad na umiyak sa harap nila Fia. "Maaga pong nagising si Nanay. Lumabas po siya saglit para magpahangin, pero pag pasok niya po dito sa loob ay basa na siya at ganyan na. Nagwawala na po ng di namin alam ang
