LUCAS POV
Pagkatapos ng kulitan namin ni Elle, ramdam ko pa rin ang init ng pisngi niya nang ihatid ko siya sa school. Nakangiti lang siya habang hawak ang bag niya, at ako naman ay parang ayaw ko pa siyang pakawalan. Kaya bago siya bumaba ng motor, kinuha ko muna ang helmet na suot niya at tinitigan ko siya nang ilang segundo.
“Elle…” tawag ko sa kanya na may lambing.
“Ano na naman, Doc Lucas?” sagot niya na may halong ngiti pero halatang nahihiya.
Ngumisi ako bago dahan-dahang idinampi ang labi ko sa noo niya. “Ingat ka sa klase mo, mahal. Pero huwag ka masyadong ngumiti sa iba, baka ma-in love sila.”
Namula siya at siniko ako. “Ang corny mo.”
“Corny? Elle, love… alam mo ba difference ng ikaw sa mais?”
Napataas kilay niya. “Ano na naman ‘yan?”
“Ang mais, corn. Ikaw, ikaw ang love
