KAAGAD na itinabi ni Julliana ang kanyang sasakyan nang gumiwang siya. May problema yata ang gulong niya. Pero hindi pa man siya nakakababa ay biglang bumuhos ang malakas na ulan. Panay ang pagkulog at pagkidlat kaya nga nagmamadali siyang umuwi bago pa siya abutan ng malakas na ulan. Ang akala niya ay makakauwi na siya bago umulan.
Napapalatak siya nang ma-realize niya na wala ang kanyang payong. Saan na naman kaya niya naiwan iyon? Kahit alam niyang mababasa siya ay tiningnan pa rin niya ang naging pinsala ng sasakyan niya. Napamura siya nang makitang na-flat ang isang gulong niya. Paano siya makakauwi? Madalang pa mandin ang mga taxi na dumaraan sa area na iyon. Bukod pa sa mahirap maghanap ng masasakyan kapag ganoong malakas ang ulan.
Biglang may humintong sasakyan sa tapat niya. Nag
