Lumipas pa uli ang isang linggo ay hindi ko na uli nakita si Darlyn. Bigla na lang siyang naging tahimik na labis kong ipinagtataka. Kaya maging ang isip at pangangamba ko ay naging kalmado rin saglit.
Kasi kung iisipin, noong wedding anniversary namin ay masyado siyang matapang. Ang lakas ng loob niya. Ngunit ngayon ay wala ng paramdam. Hindi ko alam kung ano ang nangyayari sa kanya. Pero hindi maalis sa isip ko ay baka kinausap ito ni Gavin. Hindi ko maiwasan na mainis dahil nagkikita silang dalawa. Nag-uusap silang dalawa. Pero pilit ko na lang na balewalain at iniisip ang pinapangako sa akin ni Gavin. Hangga't maaari ay ayokong isipin na iyon ang dahilan ng pananahimik ni Darlyn. Imposible naman kasi na basta na lang siyang titigil bigla dahil hindi ka siya lasing. Ano, trip lang? Kun
