Mahigit isang linggo na rin ang nakalipas ang first wedding anniversary namin ni Gavin. Pero kasabay rin nito ang masakit tanggapin nang malaman ko ang nakaraan niya. Na kinasal na pala siya bago pa man kami magkakilala. Ang sakit isipin dahil bukod kay Rose, ay may asawa pa pala siyang iba. Unang pinakasalan niya.
Akala ko…ako na lang ang asawa niya. Pero hindi. Dahil dalawa kaming misis niya. Ang sabi niya ay hindi siya sigurado kung kasal sila ni Darlyn. Gusto kong paniwalaan. Gustong-gusto ko! Pero malinaw pa sa sikat ng araw ang certificate of marriage nila. Kaya anong laban ko? Para sa kanya, ako lang ang asawa niya. Pero sa mata ng batas, si Darlyn ang ang totoong asawa niya at hindi ako. Kaya paano ko ipaglalaban ang karapatan ko bilang asawa niya, kung sa umpisa pa lang…ay hindi
