Natulig ako sa lakas ng sampal niya kaya nawala bigla ang kalasingan ko pagkakita sa kanya.
"Bakit ngayon ka lang, ha!" malakas niyang sigaw sa akin.
"Mahal…?" sa halip ay ulit ko pang sambit sa gulat na gulat na boses at niyakap siya nang mahigpit.
Hindi kasi ako makapaniwala na nandito siya ngayon sa suite at pinuntahan ako.
Naramdaman ko ang panunulak niya kaya niluwagan ko nang bahagya pero tinulak niya uli ako kung kaya't napasandal ako sa may hamba.
"Bakit?! May inaasahan ka pa bang pupunta dito?! Ha!" Pasinghal niya rin tugon sa akin at ang talim ng tingin sa akin.
Halatang galit na galit siya pero panay naman ang tulo ng mga luha sa kanyang pisngi. Kunot noo ko siyang tiningnan dahil hindi ko alam ang ikinagalit niya ngayon.
"Wala…" nakanguso at mahina kong sagot.
Tinan
