البداية

الفصل الخامس

#نكمل

في مشهد اخر

عمي فتحي قاعد في مكتبه في البيت و جاله واحد محامي اسمه منصور

فتحي : عايز ايه يا منصور جاي ليه

منصور : انا جاي برساله من الباشا

فتحي : قول

منصور : بلاش تقف في صف ايهاب و لو عايز تقف في صفه خليه يبعد عن روان هانم

فتحي : بس ايهاب بعد عنها

منصور : هيا لسه متعلقه به

فتحي : متعلقه به دي مش بتاعتي دي بتاعتها هيا

منصور : يا حج فتحي لازم نشوف حل روان هانم ها تكتب كتابها على الباشا الصغير كمان شهر و لزم قصه ايهاب دي تتقفل

فتحي : القصه دي مقفوله من ناحيتنا احنا مفيش فيها كلمه تاني وله سطر تاني اتكتب بعد كلمه النهايه

منصور : اصل متحاولش تقنعني انها من نفسها كده لسه فاكراه

فتحي : معرفش

منصور : طيب يا حج اتصرف

فتحي : انا اتصرفت خلاص ايهاب بعد عنها من غير ما حد يقوله اكتر من كده ايه

منصور : طيب سافره بره مصر سنه وله اتنين يختفي فيهم

فتحي : لا طبعا الباشا بتاعك ملهوش كلمه عليا او علي ايهاب لو هو عايز خلاص يسفر ابنه و هيا و خلاص لكن اسفره بره مصر الباشا بتاعك يتهف في عقله و يخلص منه بعيد عن عيني زي ما عمل مع سالم الصفتي لا قوله يلعب غيرها

منصور : كده انتا مسبتش ليا اي حل تاني

فتحي : قولي كده يا منصور الاتفاق الي كان بنا و بين الباشا الكبير ايه

منصور : الاتفاق القديم وله الجديد

فتحي : الاتنين مش مختلفين عن بعض كتير

منصور : انتا تحت ايدك الصعيد و هو تحت ايده طرق السفر اي حاجه تروح من هنا لي هناك و تطلع من هناك

فتحي : كلام جميل يعني الباشا بتاعك اخره سكه مش اكتر انا لو قفلت معايا و حد لمس شعره من ايهاب كفيل اني الغي كل حاجه و الاتفاق كائن لم يكن

منصور : ازاي احنا بنلعب مع ناس كبار قوي قوي

فتحي : طيب لو فاكر اتفاق الباشا الجديد بعدم تعرض اي حد منا لي اهل التاني يبقي اعلان حرب و الباشا في صف صاحب الحق و انتا عارف اني ليه عفريت في كل خرابه يعني يقدر يعرف كل حاجه بلاش نلجأ لي العنف خلينا كده حلوين ابعده بنتكم عن ابن اخويا و حتت العيل الي انتا بتقول عليه باشا ده ينسيها إيهاب و خلاص دي بتاعته

منصور : طيب وإيهاب

فتحي : إيهاب خلاص نسيها و مسحها من ذاكرته

منصور : طيب يا حاج فتحي انا هوصل عرضك لي الباشا و ارد عليك

فتحي : قوله يقبل به علشان معنديش غير كده نسيت قوله لو شعره من ايهاب طارت هو قدامي السبب اتفضل شرفت

قام منصور وطلع ركب عربيته اللي كانت مليان خير واجب زي ما بيقوله عندنا في الصعيد و الواجب ده شيء اساسي لازم الضيف ياخده و انا رنيت على عمي فتحي رد عليا

فتحي : الواطي الي مش بيسأل

انا: مقدرش استغنا عنك يا حج فتحي يا عسل

فتحي : كول بعقلي حلوه

انا : وله اقدر يا غالي

فتحي : طيب يا ابن جمال اقدر اقولك حاجه لا طبعا مش هسلك معاك قول عايز ايه علشان عندي شغل

انا : ماشي يا عمي حضرتك تعرف حد في جامعه اسكندريه

فتحي : ليه

انا : في حد عايزين ننجحه

فتحي : بس كده مفيش حته ملناش فيها دراع قولي اسم الطالب

انا : اصول اشرف رضوان حمدي

فتحي : طيب ابعتلي رقم الجلوس و من اول السنه الجايه تنجح

انا : لا انا عايزها من السنه دي النتيجه لسه مظهرتش وله صعبه عليك يا حج

فتحي : بتسخني يا واطي طيب عليا الطلاق لتنجح بتقدير كمان بس قولي انتا فين كده

انا : في اسكندريه اهل امي عايزين يشفونا

فتحي : بجد طيب سلم على خالك حسن و قوله يحضر نفسه الدفعه معدها قرب قوي ماشي

انا : هو حضرتك تعرفه

فتحي : يابني محدش في مصر انا معرفهوش

انا : مين معايا رايس المخابرات

فتحي : انا بابا يلا سلام

المشهد الريسي

قفلت مع عمي فتحي

انا : خالو عمي فتحي بيسلم عليك و بيقولك معاد الدفعه قرب قوي

حسن : بجد طيب

انا : هيا دفعه ايه دي

حسن : بص يا سيدي احنا عندنا شركه شحن بحري و جدك يونس اشتغل مع جدك محمود انه يورد ليه محصول الجناين بتاعته

انا : يعني معلش سؤال جدي يونس و جدي محمود كانو شركاه

حسن : و اصحاب كمان

انا : طيب ازاي يرفضه جواز امي و ابويا

حسن : علاقه الصداقه بتاعتهم بدأت من المشكله دي

انا : طيب لما هما بقو اصحاب ليه مصلحوش امي و ابويا

حسن : عند الاتنين عنديين جدا ازاي الاتنين يخرجه عن طوعهم

انا : وانتا الصادق الاتنين مش عنديين لا الاتنين اغ*يه خسره اولادهم و احلي سنين عمرهم معاهم رغم انه كانو ممكن يحلوها و ساعتها يضمنه الصداقه و الشراكا بالنسب

حسن : الي حصل يابني كله نصيب

انا : قصدك كله عبط

قومت سبتهم و دخلت الاوضه البس و طلعت مكلمتش حد نزلت خدت العربيه و قابلت واحد صاحبي من اسكندريه و هو الي جبلي اخبار اهل امي قعدت معاه شويه عرفت منه مكان اسهر فيه و عرضت عليه يجي معايا بس رفض رحت البار و دخلت قعدت اشرب و بضحك من جوايا على احلي سنين عمري بعيد عن اهلي الي المفروض يكونه ضهر و سند ليا علشان شغل عيال كل واحد عنده دماغ عايزه تت**ر لو جدي يونس عايش كنت **رت دماغه هو و جدي محمود بس محمود عايش بس و يونس مات و انا معرفش مين سخن التاني اصل اكيد في صوت عقل فيهم بس معرفش 22 سنه راحه في لعب عيال قعدت لحد الساعه سته الصبح زهقت قومت حسبت و ركبت العربيه انا من نوع الي يشرب بس مش ببهدل نفسي يعني اشرب على قدي و ده مش عيب لا علشان مكنش مدهول ركبت العربيه لحد ما وصلت العماره طلعت الشقه نمت و قومت على المغرب لقيت امي و خالتي و مروه و اصول بس مروه و أصول لبسين شرطات

انا : ايه الفخاد دي كلها

خالتي : ما تحترم نفسك بدل ما اقول اعلقك

انا : يعني ينفع اصحي من النوم القي بنتك لسه شورط طيب نفترض اني شخص وسخ وانا فعلاً كده ممكن اعمل حاجه مش ظريفه

امي : انتا بتقول ايه

انا : الواقع

اصول : خلاص انتي يا خالتي ارد انا (كلمتني بتحدي) لو راجل اعملها

انا : انا راجل اوي

أصول : راجل اوي طب فكر كده وانا اشلها خالص

انا : هيا ايه لمؤاخذه

اصول : الرجولة بتاعتك

انا : (بهزار) انتي جايه من المدبح تشيلي ايه لا الواحد يخاف على نفسه

اصول : شاطر يله امشي يا بابا العب بعيد

دخلت الاوضه بعد ما اصول ادتني على دماغي الصراحه عجبتني انها قويه اخد دش ز لبست و طلعت ليهم قعدت جنب مروه و اختها في حصني

انا : نزلتي النهارده

مروه : لا انتا كنت نايم وانا خفت الصراحه

انا : طيب قومي البسي و انزلي خدي العربيه لفه كده جربيها و تعالي

مروه : بجد

انا : ايوه

مروه : (كلمتني في ودني) ها روح اعملك قهوه لحسن ريحه بوقك حاجه فظيعة

انا : باين عليا

مروه : ايوه و عينك كمان باين انها نعسانه

انا : طيب هاتيها على الفرنده عايز اولع سيجاره و امك و خالتك قاعدين و عمالين

يحرقه كتير اوي الصراحه

مروه : اه اوي

انا : طيب قومي

سبتها و دخلت الفرنده قعدت على كرسي و جالي تلفون من رقم غريب رديت

انا : الو (محدش بيرد) الو مين (محدش بيرد) شكلك كده كنت فاكر انه رقم واحده و خيشت معاك (قفلت السكه)

مروه : القهوه يا عم ايهاب انا نزله يله سلام

انا : سلام

طلعت مروه خدت اصول بعد ما لبسه و نزله ركبه العربيه و اتحركت مروه

مروه : أصول مش عايزه كلام ايهاب ليكي يضايقك هو طيب قوي

اصول : طيب ايه ده كلام يقوله

مروه : لا ايهاب طيب جدا على فكره شايفه شويه الهزار و القوه الي بيعملهم دول وله حاجه عامل زي العيل الصغير يرجع يقعد في حضني و يحكيلي كل حاجه

أصول :طيب ليه مش بيتصرف بطبيعته

مروه : من الي شافه ايهاب كان بيحب واحده لدرجه العشق بس الفتره دي كان وضعه على قده و هيا بنت راجل كبير في الحكومه فا خانته مع شاب ابن رجل اعمال كبير جدا و ضابط شرطه طبعا كانت صدمه ليه و لما وجها قالت حصل بس بعدها استلم ورث بابا الي كان ملايين مكملش حاجه و كان معاه ملايين طبعا كانت صدمه ليه انها مقدرتش تصبر شويه عليه و الصدمه الأكبر اني في ناس مع ايهاب في الجامعه كانو يتلاشوا ايهاب خالص بفكره انه مش من مستواهم يعرفوه بس في لجنه الامتحان طبعا بعد تغير مستوي المعيشه الكل بيجري وره مع اي حد ع**ط كان يفرح بس إيهاب لا كان فاهم انه مجرد لمه كدابه و صحبه مصالح مش اكتر

اصول : هيا الدنيا كلها كده يا بنتي

مروه : بس بتأثر علي الي زي ايهاب قلبه ابيض جدا بقولك ايه عالي صوت الاغاني و نفتح السقف كده و نروش

اصول : ايوه كده دلعني

مروه داست بنزيم و مشغله الاغاني لقطها ردار قبل كمين دخاله على الكمين

ضابط : انا موقفكم بس علشان اعرف انتو ولاد مين في مصر

مروه : ليه هو في مشكله

ضابط : طبعا دخلين على الكامين منورين العالي و معلين الاغاني و فتحين السقف انتي مين بقي

مروه : (طلعت الرخصه) اتفضل الرخصه

ضابط : (بص في الرخصه) تمام مروه جمال يونس بس برضه انتي ابوكي يبقي مين

مروه : (بستغراب) ليه هو اسم بابا مش باين في الرخصه مع حضرتك وله ايه

ضابط : ايوه باين بس بابا شغال ايه يعني

اصول : خير يا باشا عمال تسأل اسأله مش ها تفيد حضرتك احنا عملنا مخلفه ايوه بس مش لي التحقيق ده

ضابط : (بص لي اصول ببرود) مسمعتش رد السؤال

مروه : طيب خلاص الرخصه معاك اعمل عليها كشف براحتك و اعرف انا بنت مين و من عيله ايه و ابقي تعاله بنفسك رجعها (ادته التمام العسكري) سلام

اتحركت من الكامين و الضابط في حاله زهول حس انه شكله واحش جدا رفع اللاسلكي و عرف الكمين الي بعده انه يوقفهم و ياخدهم وصله الي الكمين التاني

ضابط : ممكن الرخص

مروه : مسحوبه

ضابط : طيب فين ايصال السحب

مروه : ماخدتش الوصل من الضابط

ضابط : ازي يعني

مروه : مدنيش وصل

ضابط : (فتح باب العربيه) طيب اتفضله نروح مشوار لحد القسم نشوف موضوع الرخص ده

مروه : قسم ليه

ضابط : انا اعرف منين يمكن دي عربيه مسروقه وله حاجه مشوار صغير لحد القسم نكشف على العربيه و تبيته معانا ليله و نشوف الموضوع ده

اصول : مش من حقك انا دارسه حقوق و عارفه انا بقول ايه

ضابط : ام مش بيتعبني غير طلبه حقوق تحبه تنزله و اخالي امين الشرطه ينزلكم بنفسه

مروه : و علي ايه ننزل بس سهل

ضابط :طبعا سهل زي ما قولت والي قولته ها يحصل على البوكس

ركبه البو** مع اشكال غريبه

مروه : العمل ايه

أصول : تلفوني فصل شحن

مروه : ازاي يفصل

اصول : مش انتي كل شويه عالي الاغاني عالي الاغاني ادي البطاريه فضيت

مروه : وانا نسيت تلفوني في البيت العمل ايه العمل ايه احنا ممكن نتبهدل

شخص : (راكب معاهم البو** و شكله عادي لا واخد بشله وله اي حاجه شكله شاب عادي) بقولك ايه يا انسه

مروه : ابتدينا خير

شخص : عايزن دقيقه رصيد

أصول : لا

شخص : علي فكره انا مش بعا** لا انا معايا رصيد

مروه : (طلعت خمسن جنيه من جبها) تسلم يا رجوله

شخص : لا انا مش عايز فلوس انا عايز الي ها تلكموه يجي يضمني علشان معيش بطاقه

مروه : طيب ماشي

شخص : (طلع تلفونه) اتفضلي

مروه : (خدت التلفون و كتبت رقمي و رديت عليها) الو

انا : الو مين

مروه : انا مروه يا ايهاب

انا : مروه رقم مين ده

مروه : مش واقته تعاله عن المنطقه....... بسرعه

انا: ليه

مروه : ممسوكه في كمين انا و أصول بسرعه

انا : دقيقه و اكون عندك

المشهد الريسي

امي :في ايه يا ايهاب

انا : لا مفيش حاجه انا نازل

امي : وشك غير ليه كده فيه ايه التلفون ده

انا : مفيش يا ماما

سبتها و نزلت بهدومي الي عليا و انا في السكه كلمت عمي راضي

راضي : ايه يا ايهاب عامل ايه

انا : كويس يا عمي بس انا في مصيبه

راضي : في ايه ايه الي حصل

انا : مروه اتمسكت على كمين و معهاش رخصه

راضي : طيب اطلع على مكتب مدير الامن حلاً اللواء سعد انا ها كلمه

انا : طيب يا عمي

قفلت معاه عمي راضي يبقي مساعد اول وزير الدخليه لي شئون امن الدوله وصلت المديريه و رحت مكتب مدير الامن

سعد : اهلا يا ايهاب يا ابني راضي بيه لسه قافل معايا تشرب ايه

انا : وله حاجه انا عايز اخد اختي و امشي

سعد : طيب (مسك الجهاز و حاول يتواصل مع الكمين بس الضابط قافل الجهاز) تعاله معايا

انا : في ايه

سعد : الضابط الي واقف على الكمين قفل الجهاز باين بيشحنه

نزلت و هو ركب عربيته و انا ركبت عربيتي و تحركنا على مكان الكامين وصلنا هناك

سعد : مش بترد على الجهاز ليه يا حضرت الضابط

ضابط : علي الشحن يا فندم

سعد : انتا ماسك مروه المحمدي انتا مجنون

ضابط : مروه مين

سعد : مروه جمال يونس المحمدي دي يبقي عمها راضي المحمدي رايس جهاز امن الدوله

ضابط : يا فندم دي دخله الكمين من غير رخصه

سعد :و لو لزم تميز بنات الناس مش كان معاها بطاقه و رخصه العربيه

ضابط : اصل

انا : ها نقعد في اصل و فصل انا اختي في البو** نزلها

ضابط : نزل الهوانم يا عسكري

انا : لا بنفسك تنزلهم بنفسك

ضابط : (رقبته تحت السكين) ماشي (رح لي البو** و نزلهم) احنا اسفين يا هوانم

مروه : (نزلت و خدتني بالحضن و هيا بتعيط) انا ركبت بو** يا ايهاب

انا : (طبطبت عليها) بس عياط (كلمت الضابط) انا ها قدم فيك شكوه في مكتب التفتيش ادي دقني لو فضلت لبسها كتير

ضابط : (بيصب عرق ميل على سعد و كلمه في ودنه) بس كل الي حصل

سعد : (وشه عليه غضب كبير) طيب انا ها تصرف اركب يا إيهاب علشان نجيب رخصه اختك اركب

ركبت عربيتي مع مروه و أصول و عربيت مروه جبها امين شرطه ورانا واحنا رجعين عدينا على الكمين نزل سعد وانا فضلت في العربيه ولعت سيجاره و قولت اتفرج

سعد : فين البيه الضابط الي هنا مش واقف ليه

امين شرطه: في البو** يا باشا

سعد : روح قوله اني مدير الامن هنا بسرعه

راح امين الشرطه لي البو** و الضابط كان نايم فيه صحاه و عرفه نزل الضابط جري

ضابط : تمام يا فندم

سعد : ايه الي انتا عملته ده

ضابط : خير يا فندم ايه الي حصل

سعد : تسحب رخصه الانسه مروه ليه

ضابط : عملت مخالفه

سعد : طيب عملت مخالفه تقول لي الكمين الي بعدك يحجزها و انتا سحبت الرخصه من غير ما تديها وصل

ضابط: لا يا فندم ادتها وصل (بص لينا بثقه) هات الدفتر يا عسكري

مروه : كداب انا مخدتش وصل

ضابط : لا يا باشا دي هيا الي كذابه

مروه : (كلمتني في ودني و دمعها على خدها) محصلش هو كذاب و قال موقفنا علشان يعرف بابا شغال ايه و لما اديته على دماغه سحب الرخصه و انا قولتله ابقي رجعها على البيت بنفسك

انا : (بصيت لي مروه) طيب( رجعت بصيت تاني ليهم)

سعد : (ماسك الدفتر بيقلب فيه و قرب علشان يوريني)

انا : (قولت عيب و اعمل بنط ربايه و نزلت ليه)

سعد : اهو الوصل طلع

انا : ممكن يكون كتبه و قطعه علشان يأمن نفسه

سعد : طيب طيب سهله هات الرخص يا بيه

ضابط : (طلع الرخص و باصص ليا بصه نصر اني معرفتش اخد منه حق وله باطل) اتفضل يا

انا : (ابتسمت ليه) ايهاب اسمي ايهاب المحمدي (خات الرخص و بصيت فيها و طلعت الولاعه بتعتي و ولعت فيها و رمتها في الأرض و بصيت ليه بسماجه) انتا مش ها تغلبني

سعد : عملت ايه يا مجنون

انا : دلوقتي انتا اديت اختي الوصل بكره الصبح الوصل ده رغم انك قطعته ها يكون عندي و اروح المرور ارجع الرخصه لو ملقتهاش احلي محضر إهمال في سعادتك و اخلي توصيه من الباشا مدير الامن وله ايه

ضابط : (بغصب) انا اقدر اعتقلك وقتي

انا : بتهمه ايه اصل لو تهمتي ض*ب ضابط في كمين طالع منها طالع

سعد : يا ايهاب يا ابني ملهوش داعي كل ده

انا : عندك حق يا سيادت اللواء يبقي ايه زي ما حكمت اختي تجيب الرخصه لحد البيت بنفسك و تعتذر ليها ماشي اه نسيت اقولك انا راجع القاهره بعد بكره و اختي ها ترجع و هيا سايقه عربيتها اي كمين ها عدي عليه سهل اني اتكلم مع الضابط و افهمه بس ساعتها بكل كمين في رتبه كبيره في البلد ها توصي على محضر الاهمال الي ها عمله لحد ما شرطه المطافي نفسها ترفضك لي اهمالك اعرف بقي عنواني بنفسك و تعاله سلام

رحت ناحيه العربيه ركبت و انا واثق من نفسي اصل حلها ايه يعني علاقات معايا اهلي فلوس معايا فلوس مفيش سكه مقفوله مع واحد اجتمعت فيه المال و السلطه

ضابط: (واقف مذهول) هو الي حصل دلوقتي حقيقي

سعد : حقيقي انتا عارف ده يبقي مين ده يبقي من عيله المحمدي معارف العيله دي توصل لي اكبر روس في الحكومه غير اني من كلامي معاه عرفت انه حفيد محمود بيه رشوان الملياردير الي اسمه حوت اسكندريه يعني حتت العيل الي مش مكمل 20 22 سنه يقدر يمحيني و يمحيك بس هو محترم تخيل رفض يولع سيجاره قدامي

ضابط : انتا بتقول ايه يا بابا

سعد : انا مش بابا انا هنا سيادت اللواء مدير الامن اعرف مركزك يا حضرت النقيب اهو الشاب ده يبقي عمه الي كنت ها وصيه ينقلك الامن الوطني بس خلاص انسي اسمع انتا تحرك دلوقتي على المرور تقف قدام المبني لحد ما يجي الموظفين الصبح و تديهم البيانات و تخيلهم يطلعه بدل فاقد و تجيبه و تجيلي و نروح نلم القصه دي وانا هاعرف عنوانه فين من خاله حسن رشوان و نروح تتأسف و تعتذر فاهم

ضابط : بس

سعد : وانا بتناقش معاك ليه اساساً ده امر

المشهد الريسي

وصلت تحت العماره و نزل امين الشرطه من العربيه

امين الشرطه : اي خدمه تاني يا باشا

انا : (عديت 500 جنيه و ادتها ليه) متحرمش منك

امين الشرطه: شكرا يا ايهاب باشا بس انا مش بقبل فلوس

انا :طيب بتقبل ايه

امين الشرطه : وله حاجه دي اوامر و لزم انفذها

انا : يا جدع خد دي حاجه بسيطه

امين الشرطه : شكرا يا ايهاب باشا مش هاقدر

انا : طيب عايز خدمه معينه بدل الفلوس

امين الشرطه : لا وله حاجه (باس ايده وش و ضهر) انا تمام و مسطوره

انا : انتا الي زيك خلصه من زمان

امين الشرطه : الدنيا لسه فيها خير اي اوامر تانيه

انا : ميأمرش عليك ظالم شكرا جدا

مشي امين الشرطه وانا قاعد ساكت ولعت سيجاره و هما قعدين سكتين و مروه بتعيط من الموقف

انا : طبعا مش محتاج اقول محدش يعرف بالي حصل وانتي بطلي عياط

مروه : انا اركب بو** على اخر الزمن

انا : خلاص حقك رجع ونزلتي معززه مكرمه و لو علي كلامك انا ها خليه يمشي على اتخن شنب فيهم خلاص

أصول : احنا نسينا الواد بتاع التلفون

انا: واد مين

أصول : ده واد محترم جدا ادانا رصيد نكلمك به بس طلب انه لو ممكن اني الي جاي لينا يضمنه علشان معهوش بطاقه

انا :وده حكايته ايه ده كمان فكك يله انزله

مروه : مش ها ينفع تلفونه معايا

انا : يادي النيلة السوده طيب نطلع على القسم نشوف

طلعت على القسم الشرطه و كان الكمين اتلم و وصله لي القسم دخلت على ضابط الي كان واقف على الكمين التاني خبط و دخلت

انا : انا اسف يا باشا دي تاني مره تشوفني انا عارف

ضابط : ده شرف يا ايهاب بيه

انا : ايهاب بس و الشرف ليا انا

ضابط : اتفضل تشرب ايه

انا : لا وله حاجه انا جاي في حاجه تانيه خالص

ضابط : طيب ايه هيا خير

انا : كان في شب ممسوك على الكمين كنت عايزه يخصني

ضابط : انا مرجعتش من الكمين غير بواحد بس اجيبه حالاً

انا : طيب هو كان ممسوك بايه

ضابط : لا وله حاجه من غير بطاقه

انا : طيب يا باشا لو ممكن اضمنه

ضابط : بس كده سهله على ما الإجراءات تخلص تشرب حاجه تاخده و حضرتك ماشي تشرب ايه

انا : طيب ممكن قهوه مظبوط

ضابط : تمام قهوه مظبوط (قلها لي العسكري) انا كنت عايز اعتذر ليك على الموقف البيخ الي حصل النهارده بس صدقني الواحد بيشوف كتير انا النهارده كل الي عدو عليا قاله انتا متعرفش بابا شغال ايه ماعدي اخت حضرتك الصراحه لما قالت مدنيش رخصه قولت دي طيبه

انا : طيب لما هيا طيبه خدتها ليه

ضابط : أوامر يا باشا الي سحب الرخصه بتاعتها يبقي ابن سعد بيه مدير الامن

انا : امممم بس انا شوفت معامله سعد بيه معه كانت صعبه

ضابط : الصراحه هيا اصعب بكتير من الي اكيد شفته بس الباشا ممشي أموره مع الموظفين يعني ابن مدير الامن و كده

انا : تمام كده فهمت الثقه الي كان بيتكلم بيها جيه منين

القهوه جت شربتها و اتعرفت على محمد بيه الضابط و اخدنا ارقام بعض و هو شخصيه محترمه جدا طلعت بره و استلمت احمد الي عطي التلفون لي اختي

انا : انتا احمد

احمد : ايوه هو حضرتك مين و ضمنتني ليه

انا : (عطيته تلفونه) شكرا ياعم احمد اختي كلمتني من عندك

احمد : حضرتك الاستاذ ايهاب (وبص ليا من فوق لي تحت لبس شورط جنز و شبشب و تيشرت)

انا : اه يا عم ايهاب متبصش قوي كده انا نازل بلبس البيت تعاله اوصلك

احمد : لا شكرا شكراً انا هاخد مشروع

انا : تعاله بس يله انتا زي اخويا تعاله

اخدته و ركب معايا و كانت اصول و مروه قعدين وره وصلته لحد بيته و امه شاف*ني و قعدت تدعيلي كتير و رجعنا تاني الشقه طبعا تحقيق من امي و خالتي لحد ما زهقت و قفلت النقاش معاهم و بعد شويه الباب خبط قومت افتح لقيت ست كبيره بس مش اي حاجه اول ما شاف*ني خدتني بالحضن

واحده : واحشني يا ايهاب يا حبيبي كبرت يا واد و بقيت راجل

امي : (من جوه) مين يا ايهاب

انا : دي واحده بس بطل اوي يا ماما

واحده : ههههههه (ض*بتني في ص*ري بدلع ) كبرت يا واد

سابتي و دخلت بسرعه و خدت امي في حضنها جامد

يتبع.........