"Vence, Romir? Kain na tayo." Dali-daling naitulak ko palayo si Romir nang biglang may kumatok sa pinto at mula sa labas ay narinig namin ang boses ni Manang.
"Opo, Manang," sagot ko naman at dali-dali akong bumangon at walang lingon-likod na iniwan ko si Romir.
Makalipas ang ilang sandali ay bumaba na rin ang asawa ko pero napatingin ako sa kanya nang makita kong bihis na bihis siya.
"Saan ka pupunta?" agad kong tanong sa kanya. Lumapit siya sa akin saka niya ako pinaghilaan ng upuan na hindi man lang ako sinasagot sa aking tanong. Kaya, inis na binalingan ko siya.
"Saan ka ba pupunta?" tanong ko uli sa kanya.
"Sa factory," sagot niya habang nakahawak siya sa sandalan ng upuang hinila niya para sa akin.
"Papasok ka sa trabaho? Ang taas ng lagnat mo kagabi tapos papasok ka pa rin?
