PRESENT TIME
ERINA’S POV
DAHAN-DAHAN KONG IMINULAT ANG AKING MGA MATA. Pakiwari ko ay wala akong lakas na igalaw man lang ang aking mga kamay. Iginala ko ang paningin sa buong paligid ko.
Nasa hospital ako!
Ang huling naaalala ko ay hinihintay ko si Kyle upang magtungo sa bahay na tinutuluyan nito. Kausap ko lang si Mommy bago ako tuluyang lumabas ng bahay para sana salubungin si Kyle. Paanong napunta ako dito sa hospital? Naaksidente ba ako?
Ang daming aparato na nasa bandang kanan ko at may suot siya na mask. May nakalagay rin na dextrose sa isa kong kamay. Halos kulay puti ang buong paligid at tila nagbigay iyon sa akin ng kaginhawaan sa paghinga.
Bigla kong na-miss ang Mommy at Daddy ko. Alam na kaya nila na nasa hospital ako? Si Kyle? Alam rin kaya ng nobyo ko? She felt helple
