ANG MALAKAS na tunog ng cellphone ni Khrysstyna ang nagpagising sa kanya ng umagang iyon. Umalingawngaw sa kanyang pandinig ang My Immortal na ringtone ng cellphone niya. Papikit-pikit pa siya habang kinakapa ang kanyang cellphone sa bedside table. Ni hindi na niya tiningnan ang caller ID, basta na lang niya ito sinagot.
“Hello,” inaantok pang wika ni Khrysstyna.
“Good morning, Ma’am Khryss! Si Anne po ito. Anong oras po kayo papasok ngayon? May emergency meeting po kasi kayo with the management mamayang nine-thirty,” anunsyo ng nasa kabilang linya.
“Wait, Anne. Anong oras na ba?” wala sa sariling naitanong ni Khrysstyna. Tinakpan pa niya ang bibig nang maghikab siya.
“Ma’am eight-fifteen na po,” muling tugon ni Anne.
Biglang napadilat si Khrysstyna. Napatingin siya sa wall clock na
