Para tuloy gusto kong magsisi na ganoon ka-sexy ang isinuot ko nang halos lumuwa ang mga mata nilang tatlo pagpasok ko ng sala sa pagtitig sa aking kabuuan. Nakaupo sa mahabang puting sofa si Zane samantalang sa magkabilang single-seater naman sina Trey at Lip.
Amoy brewed coffee ang paligid na nagmumula sa kusina at nakakagutom ang amoy ng oven baked bread, scrambled eggs at iba pang nakapanlalaway na aroma.
“I’ve cooked breakfast. It is actually ready however,” sabi ni Zane na tumingin kay Lip na tinanguan naman ng huli. He was shirtless wearing only a pair of white cotton shorts. Nakapatong sa may tapat niya sa coffee table ang apron na mukhang kahuhubad lang niya. Napaisip tuloy ako kung gaano siya ka-hot tingnan na iyong puting apron lang ang suot habang ipinagluluto ako ng almusal.
