Ako ulit ang naiwan dito sa opsital. Wala pa ring malay si Triana at walang kasiguraduhan kung kailan siya magkakamalay. Marami ring examinations ang ginawa sa kanya para malaman kung ano na bang lagay ni Triana. Ang sabi ng doktor ay nagkaroon ng internal bleeding pero agad naman daw naagapan iyon. May ilang fractures na natamo si Triana dahil sa impact ng pagkakabangga sa kanya.
Iniwan ko muna ang mga anak ko kina Avion. Sanay na rin naman sila Tati dahil madalas ko iyong gawin sa nagdaang araw. Ayokong dalhin sila rito sa ospital.
Wala pang masyadong nakakaalam sa nangyari kay Triana. Nasabi ko kay Avion pero sinabi ko sa kanya na huwag nang ikalat. Nalaman ko rin naman kay Silas na binabalak niyang umuwi rito sa Pilipinas.
May tumapik sa aking likod kaya’t nilingon ko ito. Napansin
