Tila hindi ako nakukontento kung hindi ko nasusundan ang anak ni Savannah. Araw-araw ay lagi akong nakabuntot sa kanya at pinapanood ang bawat galaw niya. Minsan ay kasama ko sina Hati at Silas pero may mga oras na ako lamang mag-isa.
“Sigurado ka bang sinusundan mo siya dahil gusto mong maghiganti o iba na iyang rason mo?” tanong sa akin ni Hati habang pare-pareho kaming nakatingin kay Triana na naglalakad papunta sa kanilang bahay.
Masama kong tiningnan si Hati. “What do you mean?” iritadong tanong ko sa kanya. Kaya madalas ayokong isinasama ang dalawang ito. Pakiramdam ko ay pinagkakaisahan nila ako.
Hindi man nagsasalita si Silas ay alam ko ang ibig sabihin ng mga binibigay niyang titig sa akin. Si Hati naman ay verbal kung magbigay ng mga opinyon niya. Either way, they are both get
