Nasiyahan si Cavell sa successful luncheon meeting nila ni Mr. Alcoriza. Makikipag-partner daw ito sa kanya para sa flipping projects. Mas gamay kasi nito iyon kaya advantageous para sa kanya ang flipper.
Kinagabihan, magkahawak ang kamay nilang magkasintahan na nanonood ng sine. Isang romantic comedy kaya natutuwa siyang tawa nang tawa si Djora sa mga eksena. Siya naman ay hindi nakatuon sa screen kundi sa dalaga lang kalimitan nakatitig sa kabila ng madilim na lugar. Paminsan-minsan din naman kasi ay natutunghayan niya ang kagandahan nito kapag mailaw ang mga eksena at nagkaroon ng liwanag.
Maya’t maya ay hinahalikan niya ito sa pisngi o kaya ay sa kamay. Hinding-hindi talaga siya magsasawa sa kahahalik sa nobya.
Mag-a-alas onse na ng gabi nang maihatid niya ito sa apartment. Nang mak
