Narinig niya ang boses ni Jowee. Tinatawag siya nito. Mabilis siyang lumingon at tiningnan ang kasintahan. Napatayo si Estong at napigil niya ang hininga nang matingnang mabuti ang hitsura ni Jowee.
"Jowee, si Emmanuel. Inimbitahan ko siyang pumasok dito kanina. Emmanuel, ito si Jowee," pakilala ng tiyo.
Napakurap si Estong habang titig na titig kay Jowee. Nakatitig din ang babae sa kaniya at may munting ngiting naglalaro sa gilid ng mga labi nito.
Lumunok si Emmanuel at pinasadahan ng tingin ang kasintahan. Nakasuot ito ng damit na hapit sa katawan nito, kaya pansin niya ang kurba sa katawan ni Jowee. Nakalugay ang buhok nito na humulma sa maliit nitong mukha. May manipis na kolorete sa mukha na siyang bagay na bagay rito. Abot hanggang sa tuhod ang damit ni Jowee. Sobrang ganda nito
