Nag-aagaw na ang dilim at liwanag sa paligid nang marating ni Estong ang bahay ni Kapitan. Habang nasa malayo pa lang ay tanaw na tanaw na niya ang ningning ng malaking bahay. Hindi talaga kataka-takang may hanaang magaganap doon sa loob. Kaso, hindi lahat ng tao sa baranggay ay imbitado.
Limitado lang ang inimbitahan ng Kapitan, at balita niya'y kasali ang pamilya ni Alkan sa mga mapalad na naimbitahan doon. Hindi na sana siya makakadalo kung hindi lang sa liham imbitasyon na binigay ni Jowee sa kanya.
Ayos na rin 'yon. Alam niyang hindi siya dapat kasali dahil para sa mayayaman lang ang kasiyahan na 'yon. Alam na alam 'yon ni Estong kaya ayos na sa kaniyang palihim na pumunta doon gamit ang imbitasyon ni Jowee. Hahanapin nalang niya ang nobya sa loob. Sana nga lang ay walang makakakil
