“Can we meet?”
Iyon ang unang sinabi kay Patricia ni Samantha na nakapukaw sa kaniyang kuryosidad, lalo na nang ibig nitong sila muna ang dapat na makaalam na magkikita sila.
Kaya heto siya ngayon, naghihintay sa pagdating nito. Kadarating pa lang niya. Inaasahan niyang naroon na ito sapagkat nahuli siya nang may dalawampung minuto, ngunit wala pa ang babae. Parang ibig tuloy niyang mainis dito.
Mayamaya ay nakita niyang parating na ito. Naupo ito sa tabi niya at amoy na amoy niya ang pabangong tila kumapit sa damit nito. Iyon ang pabango ni Kahl-el, sigurado siya roon at hindi siya maaaring magkamali. Nakaramdam kaagad siya ng hindi magandang kutob.
“You asked to meet here.”
“Yes. I am terribly sorry for being late.”
Hindi lamang ito late kundi mukhang may dinaanan itong bagyo. Baha
