Magkasabay na naglalakad sila Oliver at Jericho sa paligid ng mansyon. Panaka-nakang tinitingnan ni Oliver ang kanyang magiging tutor at hindi nito mapigilan ang ngumiti dahil nakikita niya sa mukha nito ang pagkamangha sa nakikitang ganda at lawak ng mansyon. Naalala niya tuloy ang noon, ganyan rin kasi ang kanyang reaksyon sa unang pagtapak niya rito.
Hindi rin mapigilan ni Oliver ang sarili na titigan ang mukha ni Jericho. Bukod sa gwapo, ito ‘yung tipo ng mukha na hindi suplado at handang makipagkaibigan sa kahit sino man. Nakadagdag pa sa angking kagwapuhan nito ang pamatay na ngiting nakasilay sa labi nito na nakakagaan sa kalooban.
“Anong height mo?” hindi napigilang itanong ni Oliver. Medyo matangkad ito sa kanya.
Tiningnan naman ni Jericho si Oliver. Ngumiti siya. “Nasa six,” s
