Chapter 35
JEANNA
BUSY ako sa pag-e-emote nang mag-ring ang cellphone ko. Napakunot ang noo ko nang makita kung sino ang tumatawag. Si Mr. Sartillo. Ang lolo ni Tyler. Wala akong alam na dahilan kung bakit niya ako tinatawagan lalo pa at ganap ng engineer ang apo niya sa kompanyang pinagtatrabahuan ko.
Kabado kong sinagot ang tawag.
"H-hello po, Mr. Sartillo? Ano po ang kailangan ninyo?" sagot ko sa nasa kabilang linya.
"Kumusta ka na, Jeanna? Gusto sana kitang imbitahin dito sa aming tahanan," masayang bungad nito sa akin.
Papayag na sana agad ako dahil matagal na rin no'ng huli kaming nagkita. Ngunit, biglang pumasok sa isip ko si Tyler. Nag-aalala ako na baka nandoon siya at magkita na naman kami nang wala sa plano at masaktan ko na naman si Twinkle.
"B-bakit po?" tanong ko.
