Kulang na lang ay mapanganga ako sa labis na paghanga sa ganda ng fireworks sa langit. Idagdag pa ang ingay ng mga taong nanonood na halatang amaze na amaze sa kanilang nakikita. Kakaiba ang pintig ng puso ko ng mga sandaling iyon. Magaan at halatang puno ng saya. Iba’t-ibang hugis at kulay iyon na parang christmas light sa langit kahit na malayo pa ang pasko. Pasalampak kaming nakaupo sa damuhan. Hindi lang kami ni Ravin. Karamihan sa mga nanonood ay ganun ang giangawa. Bata, matanda, at kagaya ng edad namin. Nakatukod ang dalawang palad namin sa magkabilang gilid. Relax na relax kung titingnan na parang sarili namin ang mundong ginagalawan. Sa aking tabi ay naroon si Ravin na kagaya ko ang reaction, nakatingala at hindi mapigilang humanga sa ganda ng tanawin. Ang romantic namang isipin!
