Galing sa shower si Camilla matapos niyang mag-almusal. Wala siyang nakasalo sa hapagkainan kanina kaya't sa servant's quarter siya kumain kasama ng mga katulong. Nakilala niya na sina Petra, Minda at Daday. Hindi niya alam kung ano ang magiging buhay niya dito sa mansyon. At dahil wala namang balak makipag-usap nang maayos ni Nick sa kanya ay mabuti nang kasundo niya ang mga katulong roon. Hindi niya gustong mabato at mabaliw dahil wala siyang makausap sa maghapon.
Tatawagan niya mamaya si Aling Melba para kumustahin ang kalagayan ng Mama niya. Naghahanap siya ng maisusuot sa cabinet nang mabilis na bumukas ang pinto at mabilis ding sumara. Pareho silang nagulat ni Nick; sya ay dahil sa biglaan nitong pagpasok, si Nick naman ay dahil sa ayos niyang nakatwalya lang. May roba naman doon pe
