Sa isang maliit na fashion boutique siya dinala ng driver at ni Minda. Isang simpleng puting casual dress lang ang pinili niya para sa kasal nila ni Nick bukas. Isang pormal na okasyon lang naman ang mangyayari bukas pero hindi naman espesyal. Wala namang dapat na ipagdiwang.
"Hindi talaga ako makapaniwala na ikakasal ka kay Sir Nick," ani Minda habang nasa sasakyan sila pabalik ng mansyon. "Kinausap kami ni Sir Charles na huwag dadaldal na ex-boyfriend mo si Sir Axel. Mahirap nga naman 'yun kasi and'yan lang sa malapit si Ma'am Fiona."
"Oo nga eh, hindi rin ako makapaniwala," sabat ng driver na si Lonyo. "Desperado na talaga si Sir Charles na makapag-asawa na si Sir Nick para nga naman maalis na ang atensyon nun kay Ma'am Fiona."
"Gaano ba katagal si Nick at si Fiona?" curious niyang t
