Sa isang bar nagtungo si Nick nang magpasya siyang umalis sa mansyon matapos nilang mag-usap ni Camilla. Ganito rin ang ginawa niya noong ipinagtapat ni Fiona na ikakasal na ito kay Axel dahil ito na ang mahal ng dating kasintahan. Wala siyang ginawa kung hindi ang maglasing noon. Halos lunurin niya ang sarili sa alak mawala man lang ang sakit na idinulot ni Fiona at Axel sa kanya.
Ngayon ay heto na naman siya. Pero sa pagkakataong ito, hindi niya alam kung bakit gusto niyang maglasing. Halo-halo ang dahilan. Una, nabigo siya sa pag-asa na maghihiwalay si Fiona at Axel. Pangalawa, ikakasal siya sa babaeng tinanggihan lang ni Charles para sa totoong anak nito na si Axel. Kahit kailan ay hindi siya nakaramdam ng selos sa stepbrother niya. Ngayon lang. Sa napakatagal na panahon na pinaglingk
