“Manatili ka sa kwartong ‘yon at ‘wag mong guluhin ang mga bagay-bagay na naroon katulad ng madalas mong gawin sa buhay ko!” Mariin kong babala kay Stephen sabay turo sa kwartong katabi lang din ng kwarto ko.
Nagulat ako nang sabihin ni mommy na kaya niya pinapunta sina Stephen, Wendy, at babaeng hipon ay hindi lang upang makasalo namin sa pagkain, kundi ay para maumpisahan na rin nilang tumira rito sa bahay.
Medyo nawindang ako nang malaman iyon. Pero mas nakakawindang na hindi ko man lang alam na mayroong ganoong usapan sa pagitan ng kuya ko at nitong tatlong bwisita namin.
Ay hindi nga pala bwisita si Wendy kaya ‘di siya kabilang sa term kong iyon!
“Nasaan ang kwarto mo?” tanong ni Stephen na siyang umuntag sa’kin.
“At bakit?” mataray ko namang balik tanong sa kaniya.
“Ano ka ba,
