MAGHAPONG tinutukan ni Rainan ang trabaho sa opisina. Napagod siya sa maghapong pagre-review sa mga sales report at monitoring ng mga exported products. Kahit si Mark ay nadamay sa pag-overtime niya para lang matapos. Nagpa-schedule na kasi siya ng board meeting para kinabukasan.
Excited na siyang marinig ang panig ng bawat board members at alamin kung paano kumilos ang kompanya niya habang wala siya nang ilang buwan. Malayung-malayo ang anyo niya sa Rainan na putikan ang kasuotan at naninirahan sa maliit na bahay.
Ni hindi ito mabahiran ng anumang dumi sa katawan. Desenteng-desente siya sa plain white long sleeve na dinublehan ng black coat with necktie. Daig pa niya ang laging bagong paligo. Lumitaw ang makinis na mukha niya at humahalimuyak ang mamahaling pabango sa katawan niya.
“It
