NAKAUPO na ang lahat dahil ito na ang pinakahihintay na painting. Nakita ko kung saan nakaupo ang tauhan ni Sigmund Aquino kaya’t sumenyas ako kay Gareth. Tumango siya sa akin at hinayaan akong umalis.
Nagkunwari akong papunta sa restroom at nang may makasalubong akong crew na babae ay agad kong tinakpan ang kanyang bibig. I meant no harm for her, I just need her clothes.
Hinila ko siya papasok sa CR. Walang nakakapansin sa amin dahil ang atensyon ng lahat ay nasa painting.
Hinubad ko ang dress ko at kaagad na nagpalit ng suot ng crew na dinala ko sa CR. Itinaas ko na rin ang buhok ko at tinanggal ang makeup. Naglagay rin ako ng eye glasses para mas lalong hindi ako mamukhaan ng kahit na sino.
Lumabas ako dala ang gamot na dinevelop mismo ni Aviana Benavidez. Nakihalo ako sa mga crew a
