“ZEKE,” bati ko sa kanya nang makapaglakad ako papunta sa may sala kung nasaan siya nakaupo.
Abot-abot pa rin ang kabang nararamdaman ko dahil sa presensya ni Zeke. Pormal na pormal ang suot niya at nakapatong lamang sa magkabilang balikat niya ang kanyang coat. Buong pagkatao niya at porma ay sumisigaw ng isang pagiging boss.
Tumingin siya sa akin matapos sumimsim sa tasa niya. “I would like to congratulate you for accomplishing the mission in Madrid. You accompanied my twin sister, Tatiana, right?”
Hindi nga ako nagkamali na magkapatid sila ni Tati! Hindi na rin ako magtataka na kambal sila dahil magkahawig silang dalawa. Kung ang ibang kambal ay opposite sa isa’t isa, sina Tati at Zeke ay iisang energy lamang ang ipinapakita at iyon ay ang pagiging malamig nila.
Tumango na lamang ak
