Saglit na hindi nakatinag si Jules sa kinatatayuan. Nanatili kasing umaalingawngaw sa may kaliitang condo ang musikang para lang sa ikinakasal pinapatugtog. Nahigit niya ang hininga nang bigla iyon tumigil at tumahimik na muli ang buong paligid. Napapalunok siya at hindi malaman ang gagawin kung pupuntahan ang sala kung saan niya narinig ang tugtog o dadamputin ang kawali at magpapatuloy magluto. Pinili niya ang huli. Pero hindi niya ibinalik sa lutuan, pagkatapos na damputin, hinawakan niya ito nang mahigpit.
Bitbit ang kawaling tinungo ni Jules ang pinto ng kusina. Sinilip ang kabuuan ng sala bago marahang naglakad palabas. Wala namang bakas na may nakapasok. Tsinek niya pa kung nai-lock niya ang pinto, naka-lock naman.
Sinulyapan ang bukas na pinto ng kuwarto. Tahimik naman doon at mu
