"Jules! Anong gagawin mo?"
Nanghihilakbot na lumapit sa kaniya si Sheryl. Akmang hihiwain na kasi niya ang daliring nakakabitan ng singsing.
Inis na bumaling si Jules kay Sheryl. Nanlilisik ang mga mata nito na siyang ikinagulat ng huli.
"Huwag kang makialam! Kailangan nang maputol ang daliring ito! At pagkatapos, 'yung sa 'yo naman ang isusunod natin!" Tumawa pa ito ng nakakaloko. Bago idinikit na ang matalas na bahagi ng kutsilyo sa hulihang daliri.
Nanlaki ang mga mata ni Sheryl sa narinig at sa ginagawa ngayon ng kasintahan. Buong puwersa niya itong itinulak dahilan para mawalan ito ng balanse at tumama ang ulo sa naka-hang na cupboards. Hindi naman ganoon kalakas, parang nauntog lang naman ito.
Parang nagising naman mula sa pagkakatulog si Jules. Natutulalang napatingin sa kutsi
