Pabalikwas na biglang nagising si Jules. Hinihingal na napasulyap sa katabing kasintahan. Madilim man sa loob ng kuwarto ni Sheryl, may kaunting liwanag na tumatagos sa bintanang jalousie. Aninag niya ang pigura nitong nakatalikod sa kaniya at mukhang mahimbing na mahimbing ang tulog. Napabuga ng hangin si Jules bago muling humiga at tinangkang yakapin si Sheryl. Pero natigilan dahil may hawak siya sa kanang kamay? Sa karimlan ng kuwarto, tinangka niyang damhin kung ano iyon.
Singsing?
Agad niyang hinagilap ang cellphone sa ilalim ng unan. Binuksan ang flashlight at inilawan ang nasa palad. Napapakunot-noong pinakatitigan ang tangan. Singsing nga! Pero kanino ito? At saan galing?
Suot pa naman niya ang kaniya. Nilingon niya ang kasintahan. Nanatili itong tulog sa gawing kaliwa niya, nak
