“Oy, grabe kayong dalawa, ah! Nagawa n’yong itago sa ‘min ang tungkol sa baby ni Jesse dear ng ilang years!” bulalas ni Shelby. Tinikwas nito ang mahabang buhok.
Nagkita silang limang magkaibigan isang weekend sa resort nina Katie sa Batangas. Isang reunion after five years. Napagkasunduan nilang mag-beach kaya heto sila ngayon sa may dalampasigan habang ang anak ng dalaga ay kasa-kasama ang Lola nitong naglalaro ng pinong buhangin. Sila naman ay nakaupo sa buhanginan sa harap ng isang cottage na gawa sa kawayan at nipa. Masarap ang preskong simoy ng hangin na humahaplos sa kanilang mukha at katawan.
Napangiti lang nang matipid si Jesse samantalang napatawa si Lena sa mga ito.
“Shh!” sabi ni Lena pagkatapos. “Baka marinig kayo ng mama ni Jesse o kaya ng bata. Kailangan kasi ‘yon para hi
