Hinawakan ni Trevor ang isang toy car nang sumabay ang isa pang kamay at kapwa nila nahawakan iyon sa parehong pagkakataon. Napalingon sila sa isa’t isa. Kapwa naman sila nagulat nang mapagsino ang isa’t isa.
“Ikaw?” anang Jesse.
“Ako nga. Bakit ka nandito?” tanong niya.
Napataas ito ng kilay. “Excuse me? Ako dapat ang magtanong sa ‘yo niyan dahil may anak ako. Eh, ikaw? Meron ba?”
Napakamot tuloy siya ng batok habang pinakawalan ang pareho nilang hinawakang laruan.
“Oo nga pala, ano? Eh, bibilhan ko ng laruan ang magbi-birthday na pangalawang anak ni Drew. Sa weekend na ang kiddie party at inimbitahan akong pumunta,” paliwanag niya.
Napa-ah ito. “Ako rin. Siguro lahat kami sa office ay pupunta sa party. Kalimitan sa mga kasamahan kasi namin doon ay may mga anak na. Iilan lang ang wa
