“GIVE me water, please…” sa halip ay hiling ni Xander.
Nagmamadali naman si Dolly na sumunod. Kinuha niya ang baso na dinala niya doon ilang oras ang nakaraan, may laman pa rin iyong tubig. Inabot niya rin dito ang gamot na ibinigay ni Jomar.
“Kailangan mo na yatang magpa-check-up, Boss,” sabi niya dito.
Matagal na hindi nakaimik ang lalaki. Nag-aatubili naman si Dolly kung uuwi na ba siya ngayong naibigay at napainom na niya ng gamot si Xander o mananatili muna siya sa kwarto. Nag-aalala rin kasi siya rito.
Sige na nga inaamin na rin niya na gusto niyang manatili sa kwartong iyon para ipagpatuloy ang pagsilay niya sa gwapo nitong mukha. Bibihira lang kasi ito sa ganoong anyo na mukhang hindi galit sa mundo.
Habang nililipad ang kaisipan niya ay nabigla siya sa sinabi nito, “sala
