NAG-AALALA si Dolly kay Xander kung ano na ang nangyari dito. Hindi ito mawala sa isip niya habang nasa entablado at ginagawa ang best niya sa performance.
Matapos niyang makababa sa stage ay kinuha niya ang yosi sa locker saka lumabas. Nagpaalam siya kay Jomar na lalabas lang siya saglit. Gustuhin man niya na puntahan ang lalaki para tingnan ito ay baka singhal lang din ang abutin niya.
Kahit papaano ay naiisip rin niya na hindi sila close nito. Wala siyang karapatan na pumasok sa personal space nito.
Sa gilid ng bar siya nag-yosi tulad ng mga nakasanayan niya sa nakalipas. Sa labas kasi ay mas presko. Kita niya ang mga bituin kapag malinis ang kalangitan. Minsan ay maswerte pa na bilog na buwan ang nasisilayan niya. Kahit pa nga maaari siyang magyosi sa loob dahil may smoking area
