“Good evening po! Saan po ang punta ninyo Miss Torres?” napatayo ang lalaking pulis na siyang nagbabantay sa labas ng pintuan ng kuwartong kinapapalooban ni Yani nang makita nitong bumukas iyon at mabungaran ang babae . May katangkaran at may kalakihan ang katawan nito na kapag nakita mo ay magdadalawang isip ka na banggain. Magmula nang ma-admit ang dalaga ay ito na ang nakatoka upang bantayan ito sa buong maghapon hanggang gabi. Pinapalitan lang ito ng dalawang pang pulis na maghahati sa pag-duduty sa natitirang oras ng buong araw.
“Sa roof deck po ng ospital, magpapahangin lang. Hindi pa po kasi ako makatulog,” sagot ni Deyanira na kasalukuyang nakasuot na ng magkaternong pajama. Kagagaling lang din doon ng isang nurse nang kunan ito ng dugo for her final overall check-up kung okay
