Sa nagdaang linggo ay napagdesisyunan niyang patirahin na lang sa kanyang bahay si Buknoy. Tutal naman ay sa poder na siya ni Copper tumutuloy. Inimbitahan niya na rin ang dalawang batang kaibigan ni Buknoy para maging kasakasama nito sa bahay. Sa natamo nitong mga pasa, galos at pilay sa paa noong nakaraan ay kailangan talaga ng bata ng maayos na matitirhan. Pinangakuan niya rin ang mga ito na susuportahan sa lahat ng bagay, pati na sa pag-aaral ng tatlo. Bagay na lubos na ikinatuwa ng mga bata.
Samantala, pagkahuli kay Mang Bert ay agad silang nagpataw ng reklamo sa pangbubugbog nito sa bata. At dahil ipinasa din nila ang kopya ng mediko legal na katunayan ng pananakit nito ay dumiretso na ito sa kulungan sa Maynila. Dahil doon ay medyo napanatag ang kanyang kalooban at tiwala na pagka
