Torpe! Iyan ang bansag ng mga kaibigan ni Tristan sa kanya. At dahil sa katorpehan niyang iyon, ay naagaw sa kanya ang pinakamamahal niyang si Miaka. kaya naman, labis ang pagsi-sisi niya sa kanyang sarili.At sa isang iglap ay naglaho ito na parang bula. Makaraan ang ilang taon ay nag krus uli ang kanilang landas, at nalaman niyang may puwang pa pala ito sa kanyang puso. Masasabi pa kaya niya sa dalaga ang kanyang matagal ng nararamdaman para rito? O, hahayaan na lang niya itong mawala sa kanya sa pangalawang pagkakataon?

Brokenhearted si Sydney ng makilala niya si Chivaz. Dahil na rin sa kaibigang si Monique kung kaya't nagka-kilala sila ng binata. 'Di nagtagal ay lumalim ang pagkakaibigan nilang dalawa. Umabot sa puntong nahulog ang loob niya sa binata. Palagi kasi itong nasa tabi niya at handang umunawa sa kanya. Palagi rin nitong pinapatatag ang loob niya. Dahil roon ay hindi niya naiwasang mahulog agad sa binata. Masaya naman silang nagmamahalan n'ong una. Dahil sa isang pangyayaring sumubok sa kanilang relasyon ay nagkagulo-gulo na ang lahat. Bigla na lang naglaho ang binata. At dahil doon ay labis na naman siyang nasaktan..