Ikinasal sina Edward at Melanie dahil sa kasunduan ng kanilang mga magulang. Nagsama at nagkaroon ng dalawang anak, ngunit walang pag-ibig na nagbibigkis sa mag-asawa. Hindi mahal ni Edward si Melanie. Ayaw din niya sa ugali ng asawa. Masyado itong mapagmataas at sobra ang katarayan. Hanggang sa dumating sa kanyang buhay si Odeza, ang babaeng nagpatibok ng kanyang puso at nagkaroon sila ng lihim na relasyon. Hindi naman nalingid sa kaalaman ni Melanie ang pagkakaroon ng ibang babae. ni Edward. Iniisip niya na gumaganti lamang ito sa kataksilang nagawa niya noon. At sa bawat malalamig na pakikitungo sa kanya ng asawa ay labis-labis siyang nasasaktan. May pag-asa pa kayang maisalba ang pagsasama nilang mag-asawa?

"Wala akong pakialam sa sinasabi mong hindi ka masamang tao. At hindi porke lupa mo itong lugar na kinaroroonan ko'y may karapatan ka nang sirain ang pag-iisa ko?" "Bakit ba napakasungit at taray mo? At sa tingin ko ay parang galit na galit ka mundo. May problema ka ba?" "Ano ba ang pakialam mo kung may problema ako?" "Wala. Pero kung bibigyan mo ako ng karapatan ay gusto kong malaman ang problemang gumugulo sa isipan mo." Napatitig si Monica sa lalaki. Simpatiko ang mukha nito. Guwapo. Matikas. Subalit puwede ba niyang pagkatiwalaan?